الأحد، 13 ديسمبر، 2009

وما كنت بدعا من المصريين

ايه الغلط الي انا بعملوا بختلف عن الناس في ايه هما ليهم خمس صوابع وانا سته هما 


برجلين وانا برجل واحدة الناس كلها تيبكال واحد وهاثبتلكم وانا مابعملشي حاجه غريبة


موظف فاتح درجي علي طول وعامل تسعيرة لكل شيئ ولو عملت شريف اوقفلك المراكب


السيرة ايه يعني ودي حاجه غريبة وماكنت بدعا من المصريين


متدين وبصلي الفجر حاضر وبعيط ورا الشيخ في صلاة التراويح ومرات منقبة بص في 


الحياة ذمتي استك واكل مال ابويا واخويا ومال النبي وابقي يهودي لو اتعملت معايا


وايه يعني كتير كدة وانا حاجه غريبة وماكنت بدعا من المصريين


بالمناسبة انا كنت في الاتوبيس والطريق مقفول قلنا ليه قلولي سيادته معدي لعنت في 


سلسفيل سيادته وانا مزهو زي الاسد بجراتي قدام الناس مع اني في يوموانا ماشي قابلتي


لجنه الامين قالي بطاقتك خفت واترعبت لسه بقوله ليه ياباشا قالي وكمان بتقول ليه 


ياروح امك اركب يلا وركبت ااه بتقولوا عليا ايه برضك وماكنت بدعا من المصريين


بمناسبة سيا دته انا بحب اشتمه قوي وبحب اي حد يوقف قدامه بس هانتخبه لان مفيش 


غيره ماهو قدرنا هانعمل ايه وكمان صاحب المصنع جمعنا في اتوبيسات وقال الي مش


هايبيعوا هايتخصملوا تلات تيام اعمل ايه مش برضك مهم التلات تيام والقدر لابد منه 


حد يعارض القدر بعمل حاجه غريبة لا بعملشي حاجه غريبة وماكنت بدعا من 


المصريين بمناسبة الانتخابات والسياسة انا ماليش بوجع الدماغ دا بس هارشح بتاع 


الوطني مش عشان هو حلو لا دا بس عشان طقم السيراميك الي عامل  بيه الشقه مع انهم


بيقولوا ان المرشح بتاع الا خوان راجل بتاع ربنا وخدوم بس مابيديش سراميك وماكنت 


بدعا من المصريين بالمناسبة انا هاطلع كرنيه الحزب الوطني مش علشان انا ليه في 


الاحزاب بس عشان بيبقي فيه لجنة عندنا في الطريق لوم معاك كرنيه الحزب محدش 


يسالك معاك ايه دا غير ناس ربنا كرمها من وسع بالكرنيه دا وانا عاوز ربنا يكرمني


زي ماكرمهم وايه يعني متملق للسلطة وماكنت بدعا من المصريين


دماغي عالية ومتكلفة جدا وبصرف كل مرتبي ع الحشيش حشيش حشيش علي نار حمرا


ماهو برضك لاوم الدماغ تبقي عالية اوي ماكل الناس دماغي عاليه هو انا عجبه وما كنت 


بدعا من المصريين انا بلبس اشيك لبس وعندي في شقتي من الابرة للصاروخ ومعايا موبايل حديث ابو كامرتين بس النهاردة نمت من غير عشا عشان بكرة معاد قسط ال سي


دي مانا لازم اتمتع هو انا عجبة او عملت عجيب وما كنت بدعا من المصريين بكرة العيد
 ونعيد وفي نعيد لازم نعط في زحمة الميدان الكل مش عارف ابوه من امه ايوة ياعسل   


ايوه ياجميل   دانتي جامدة   ياطعم  اااه ياقليل الادب ايه بتقولوا ايه لا ماتحكمونيش  هارد
عليك بزهو هاقولك ما نا معذور وهي ايه الي نزلها وهي كده انا واثق انك هاتقف في


في صفي وانا سامع ست كبيرة بتمصمص وهي ببتقول بنات عاوزة الحرق ايه الي نزلها


تتزتق مع الشباب اذا كنت انا المتحرش الاعظم فالكل متحرشون وما كنت بدعا من المصريين


قليل الحيلة وغلبان امبارح بت يو مين في القسم كلت طرب امال ايه عجب اصل الصراحه


واخد علي نفسي مبدا اني ماضربشي غير من ابويا الله يرحموا والحكومة مبدا لايمكن اغيره ابدا


بعد ماخدمتهم كل سنين ده طلعوني معاش مبكر دا شغلي وانا زي الخروف


وادوني قرشين لايسمنوا ولا يغنوا من جوع 
انا شاب  وشغال في مصنع طلعت الانهم عاوزين ينقصوا العمال وانا زي الخروف


الراجل المفتري زود سعر ايجار الشقة فجاءة الطاق طاقين والحاجه بغلي كل يوم  ولا هنا مش بقولوكوا قليل الحيلة وغلبان ما الناس كلها كدة وماكنت بدعا من المصريين في 


كلمنجي وبتاع كلام وحلنجي بتاع حركات وعايش بالفهلوة وماكنت بدعا من المصريين


طبعااوعي تفتكروا ني انا بس منكريش اني فيا بعض الصفات ممكن الواحد يجتمع فيه الصفات ديه بس محدش يزعل او يفهم اني انا بشوه سمعتنا بس من الجراءة اننا نعالج سلبيتنا
ونواجها مش نفضل نقول نحن اعظم الامم لغاية مانلاقي نفسنا في الحضيض وطبعي في اوقات الانحدار والتخلف تكون المجتمعات في الحضيض ومحدش يقول اننا مش في انحداربس هل الانظمة الطاغية هي الي مخليه المجتمعات في الحضيض ولا  مجتمعات 
ازمنة الطغيان هي الي جابت انظمة الطغيان ي جاب مين منعرفش علي العموم محدش يزعل






هناك تعليقان (2):

جبهة التهييس الشعبية يقول...

طب ليه الاذية دي؟ باقول لكوا عندي اكتئاب، عندي اكتئااااااااااااااااب
مافيش رحمة؟

اسد الجيزة يقول...

ياباشا منقصدشي ياباشا

حدث خطأ في هذه الأداة