الخميس، 11 مارس، 2010

هوانا ليه بدون


يمكن بقالي سنة اهو في عالم التدوين  بكتب وبدون لكن انا مسئلتش نفسي في يوم


انا ليه بدون او زي نورالشريف في فيلم المصير انا بكتب لمين انا النيو بلوجرز 


 الي  اتمرغت في فضاء حرية العالم الافتراضي الي محروم منه في العالم الواقعي


كل واحد محروم منها حاجة فيالعالم الواقعي بيلاقيها في العالم الافتراضي  العالم 


الافتراضي الي خلقته الشبكات الاجتماعية التويتر والفيس والشات واليوتيوب 


والبلوجر كل واحد بيهرب من اخفاقه في العالم الواقعي  لنجاح في العالم الافتراضي


بيهرب من شخصيته الي شايف او ظروفه لظروف وشخصية يخلقها هو لنفسه


في العالم الافتراضي لوكان شخصية خجولة ومبيعرفشي يكلم بنت كلمتين تلاقيه


علي العالم الافتراضي فشر فلانتينو وتلاقي علي اكاونته مشترك عشرات المزز


ولو كان شخص منطوي ومغلوب علي امره تلاقيه في  العالم الافتراضي الي رسمه


شخصية شريرة وبذيئة اللسان لاه كان يتمني الشخصية دي في الواقع


وممكن تلاقي  ممكن تكون محترمة ومحافظة كمان لكن اذا  جاء الليل  انفصلت تماما


عن شخصيتها  وانقلبت الي فتاة ليل سيبيرية وممكن تلاقي واحدة علي اكاونتك 


صورة مزة تمام لكن متفكرش انك تقابلها في الواقع لانك لو لقابلتها هاتشوف


واحدة شمبونجوا بس الي بيهرب من واقعه لشخصية يصنعهافي العالم الافتراضي


في ظروف فرضت عليه الشخصية ديه في العالم الواقعي زي المنطوي مر بظروف


قاسية مثلا كان بيضرب في المدرسة فبقي منطوي كبر منطوي وعشان مش عارف


انه يغير نفسه فهو بيلاقي ملجئه في عالمه الافتراضي الي صنعة كذلك الشباب


المصري المغيب انه يشارك في ايعمل سياسي اويشارك في صناعة مستقبل بلده


هيروح فين الحزب الوطني ولا الاحزاب مسخم من سيدي الا ستي  يمكن انا شايف


الاحزاب اوسخ من الوطني طاب يروح فين مفيش قدامه انه يطلع مظاهرة في 


جامعته او في وسط البلد بس هو شايف وسمع عن زميله الي اتفصل من الجامعة 


عشان اشترك في مظاهرة كبيرة نظمها التيار الاسلامي وبعدين سمع عن ابن خالته


الي اختفي من 6 شهر وف الاخر استلموه اهله متجبس ستين حتة ولسه فاكر 


العصاية الي خدها من عسكري الامن المركزي علي كتفه ولسه واجعة كتفة رغم 


انها مرت عليها شرين وبعدين هو مشغول بمعركة لايستهان بها اسمها معركة اكل


العيش والمعركة دي هوا ابدا مش عارف ينهيا لصالحة طاب يعمل ايه مفيش غير


اكاونت صغير  يعمله باسم مستعار neek name باسم ميموا ميموا مش عاجبه


الاوضاع ميموا مش عاوز جمال مبارك في 300 جروب مشترك فيه ميموا ثائر


ميموا بيثور الي بيثور ميموا مش هوا  الي بيغضب ميموا مش هوا  ميموا مشترك 


في جرو ب البرادعي لكن مطلوب منه يوم الانتخابات  انه يركب الباص مع زمايله


في الشغل يروح علي لجنة الانتخابات يروح ينتخب الرئيس مبارك ولو قال لا 


هايدور ميمو علي امن دولة وهايتعلق من رجليه كما الدبيحة  .انا قصدي اقول


ان الي بيحصل في الواق الافتراضي ده ده هروب من واقعنا وليس حراك مش 


المنطوي الي بيهرب من شخصيته او الخجول او الشرير وعامل طيب تفتكر


هل هايكون فيه حافز ليه  انه يبقي زي الشخصية الي رسمها لنفسه في الافتراضي 


ولا ما هيزيده الا احباط انه يتغير ويعيش منعزل تماما عن واقعة وبرضك مش 


ممكن الحراك الوهمي الي في الشبكات الاجتماعية  الي شايف الفساد والاستبداد


علي ارض الواقع يجليه احباط وبكدا  يكون جيل بحاله اتدمر وجيل جي في وقت


مصر فيه بين طريقين ادي سكة السلامة وادي سكة الندامة متصدقش  انهم ياخدوا


اي حد بسبب رايه في العالم الافتراضي لانهم  خدعوا العصفور وقفلو كل طريق 


يطير فيه الا طريق القفص الي دخل فيه وقفلوا عليه وهو فاكر نفسه انه  لسه بيطير 


للعالم اللا محدود  واللا متناهي هو بس طاير جو القفص لكن صدق انه ممكن اي 


حد يتمسك لو هرب من القفص الافترضي عشان يهد سور السجن لواقعي 


ستة ابريل مثلا  والنا س الي كانو بيجمعوا توكيلات للبرادعي اقول انه زي 


ما المحتوي الافتراضي دا نعمة في نفس الوقت ممكن يكون نقمة لومتمش تواصل


بينه وبين ارض الواقع الاجيال الي قبلنا كانت محرومة من المحتوي دا  اي نعم كانو


حنجوريين لكن  هما علي الاقل كانو بيحسوا انهم كانوا بيعملو حاجة ملمسة 


عكس الجيل الحالي الي للاسف اغلب غضبه غير ملموس لانه مش علي ارض 


الواقع غضب الكتروني وهو حاسس انه غاضب بس حاسس بالعجز في الاخر


ماش في طرقه في سكة الاحباط عكس الاجيال التانية عافر وانفلر واتبهدل وفعلا


هو حنجوري لكن في الاخر هايموت ويتعذر انه حاول انه يغير واقعه.


بس برضك انا لسه بسأل نفس هو انا ليه بدون

ليست هناك تعليقات:

حدث خطأ في هذه الأداة