الثلاثاء، 17 نوفمبر 2009

الاقصي يجمعنا في حب مصر والجزاير

 

في حب مصر والجزاير طلعت المبادرة ديه انا مش هاتكلم مين السبب ومين الي سكب البنزين لان خلاص الحريقه شعللت والفتنة خلاص طلت علي الرؤس مش هاقول هل هي ذمم اعلامين مخروبه همها تحقيق الشهرة والمجد علي حساب اي شئ ولا صحافة رياضيه علي ماتفرج في مصر والجزايرهمهم بس زيادة التوزيع حكام جمهوريات الموز انا الي عرفوا وحد يصححلي المعلومه ديه ان بتوع جمهوريات الموز دول عشان يخلصوا من شعوبهم ومايهجوش عليهم يخلوهم يدبوا في بعض بدلا مايدبوا فيهم وادينا شوفنا يعني لو مافيش ماتش يشغل الناس في مصر عن ارتفاع الاسعار بتاعت السلع الاستراتيجه زي السكر والزيت ولا الحاله الي وصلت بيها البلد ولا تجهيز البلد للوريث كل ده يفسر ان البلد علي شفا ثورة جياع مانقذهمشي من الثورة ديه غيرالماتش ودا يفسر ه اهتمام النخبه الحاكمة للماتش وكانه معركة مصير وبرضك الوضع في الجزاير البلد الي بيعاني من الفقر وكان علي شفا انتفاضه فقراءفجاءت تلك المبارة نجدة من السماء الي النخب الحاكمه  فاستغلوا المنحة الربانيه احسن استغلال  اويمكن تحالف الاثنين اعلام غير مسؤال ونخب حاكمه استغلت تلك المبارة لصرف غضب شعوبها عنهم بس انا شايف غير كدة الحكايه مش حكاية ماتش ولا حكاية اعلام ولا نخب حاكمة الحكايه حكاية ان فيه احتقان بين الشعوب العربيه نفسها شوف الاحتقان ده في المنتديات وتعليقات اليوتيوب وغرف الدردشه الاحتقان ده يجعل فكرة الوحدة العربيه في خيال الشعوب العربيه مستحيله لايمكن تولع في قطنه مبلوله ميه لكن لو مبلوله بنزيت تولع ودماغ  الشعوب العربيه زي القطنه يعني المفروض مانستسهلشي ولا تختزل المشكله في ماتش ولا نتجاهلها وزي مافيه لسته سودة هي الشروق والخبر والنهار ومودرن سبورت واوربت عمرو اديب وشوت والهدف والنبا وكتير في الفتنه سقطوا فيه كمان لسته بيضها عاوزين تعرفوها هاتعرفوها عند ملكة المدونات وشيخة المهيسين العرب http://www.tahyyes.org/2009/11/blog-post_3080.html هنا

ليست هناك تعليقات: