منعرفش مين هو عبد المنعم رياض ولما الواحد يسألك مين هو تقوله دا موقف مكروباص
واتوبيسات لكن تتسال عمل ايه عبد المنعم رياض عشان اسمه يتحط في الموقف ولا
تهز راسك وتقول معرفشي عبد المنعم رياض من الرموز المجهولة لكتير من الشباب
هل دا متعمد ولا غير متعمد كتير من الشباب ميعرفش حاجة عن الدكتور مشرفة
او جمال حمدان او البطل احمد عبد العزيز او يحي المشد رموز كتير تجاهلنا لو سئلت
شاب مين رموزك يقولك دينا وتامر حسني وعمرو دياب وحسن شحاتة وعادل امام
تقولي مش قصدي علي دول يقولك قصدك علي القدام اه سامية جمال وتحيا كاريوكا
وسهير زكي ورشدي اباظة تسأله يعني دي كل رموز مصر طاب تعرف مين
حسن رجب طبعا هيهزلك راسه وبالنفي ومنعرفش هل دا متعمد من الدولة انها تخلي
الناس متعرفشي حاجة عن رموزها ولا دي حاجة اسمها الجمهور عاوز كدة الجمهور
ميهموش ان يبقي زي المشد لكن يهمه ان ابنه يطلع لاعيب كورة زي ابوتريكة وياخد
كتيييير مش مشكلة عنده انه ميعرفشي هو احمد عبد العزيز بطل ليه ولا الدكتور
مشرفة كان صاحب اينشتاين ولا لا لكن يهمة يعرف عن قصة كفاح نجم الجير ووصوله
لقمة الهلس او كفاح الراقصة الفلانية في خيانة ازواجها وهي خانتهم كام مرة او حل
الاحجية الصعبة عن انتحار الممثلة الفلانيية وازاي انتحرت شربت سبرتو ولا قطعت
شرييننها. عيب اوي ان حد يقول اننا معندناش رموز زي ما الشروق الجزائرية قالت
لا احنا عند رموز كتير لكن احنا تجاهلنها وميعنها ومبقاش رموزنا غير في الرقاصة
والهلاس والممثل ولعيب الكورة تجاهل رموزنا دا هو الانحدار بعينه هو السقوط لايمكن
لايمكن ابد امة تبتبغي التقدم يكون قدوتها الممثل ولعيب الكورة
http://ar.wikipedia.org/wiki/%D8%B9%D8%A8%D8%AF_%D8%A7%D9%84%D9%85%D9%86%D8%B9%D9%85_%D8%B1%D9%8A%D8%A7%D8%B6
ليست هناك تعليقات:
إرسال تعليق